Мора да се најде решение за разликата околу името меѓу Македонија и Грција и да се дојде до некоја завршница, порача денеска претседателот Ѓорге Иванов посочувајќи дека државава има црвена линија која нема да ја помине.

“За нас црвена линија е она што стои во резолуциите на ОН. Не можеме да излеземе од она што веќе е пропишано во нив. Таму стои точна формулација дека треба да се разговара за разликата околу името, не се споменуваат ниту идентитетот, ниту јазикот”, истакна Иванов.

Грчки дипломатски извори за дел од македонските медиуми вчера брифираа дека името „Република Северна Македонија“ е компромисното име. Сугерираат јазикот да се пишува “makedonski” со латинично писмо.

Овој предлог за јазикот е невообичаен, коментира професорот на Филолошкиот факултет во Скопје, Људмил Спасов. Додава и дека не се соодветни споредбите кои ги дава Атина, а според кои, тоа би било исто како и именувањето на грчкиот јазик како “elinika” или на финскиот како “suomi”.

“Тоа е многу смешно. Тоа значи дека на англиски требаат да се откажат од терминот “Greece”, од “Greak language”. Tреба ли само “Elinika language” да употребуваат? Постојат некои вообичаени норми, вообичаени правила во културата во Европа”, рече Спасов.

При посетите на Скопје и Атина тој рече дека се преговара за името на државата. Но, другите прашања кои произлегле во текот на годините, Нимиц ги дефинираше како „дополнителни“.

“Затоа мислам дека ова е доволен став, доволна причина Владата да почне и да не бара причини за одложување на почетокот на посериозни преговори за решавање на името”, вели Мехмети.

Засега сè уште не се знае кога и како ќе продолжи процесот. По посетите на посредникот на Скопје и Атина пред десетина дена, сè уште нема информација за средби со преговарачите од двете држави.