Дали со никотинска партија или со масовно непочитување на Законот, угостителите и јавните личности ќе се борат против забраната за пушење.

На трибината организарана од Туристичкото – угостителската комора освен овие предлози се слушна и за позитивните страни на Законот.

Тој конечно ги натера страсните пушачи да го запознаат Скопје.

„Се изнагледав на границите на градот или на некои други делови на Скопје сосема пристојни места кои немаше да ги знам ако не беше овој закон. Знаете за кои места зборувам, таму каде луѓето се навикнати да даваат отпор кон глупавите закони.

Таму се случуваат интересни дружби, мешавини. Јас сум седел со градоначалници и владини службеници. Сите си седиме на раат и во разбирање“- Сашо Мацановски Трендо

Трендо вели дека промена е можна само со силен притсок бидејќи тие што ја донеле забраната не биле многу запознаени со излегувањето во град, урбаниот живот, поточно со одењето по кафеани.

Инаку, од Комората предвидуваат дека во државниот буџет за 2010 ќе се соберат 38 отсто помалку давачки од угостителството, пред сè поради забраната. Веруваат и дека ќе ја натераат владата да попушти и да ги прифати нивните предлози, а не оние на СДСМ и на ВМРО – ДПМНЕ.