ВМРО-ДПМНЕ бара од СДСМ да одговори на поставените прашања во врска со аферата со договорите за изведување на градежни зафати, склучувани од Министерството за одбрана, во периодот кога Владо Бучковски беше министер за одбрана.

Портпарол на партијата, Александар Бичиклиски на денешната прес-конференција посочи дека Бучковски говорел за се друго освен за фактите презентирани од ВМРО-ДПМНЕ.

- Нниту Бучковски, ниту неговиот партиски шеф Црвенковски не можат да избегаат од фактот дека трите фирми кои ги добиваат тендерите од Министерството за одбрана во 2004 година се во сопственост на сопруг, сопруга и нивни близок роднина, рече Бичиклиски.

Според него, тоа е скандалозно и говори дека станува збор за однапред договорени работи.

- Бидејќи Бранко Црвенковски не одговори на нашите конкретни докази и конкретни документи, заклучуваме дека се работи за наместен тендер, додаде портпаролот на ВМРО-ДПМНЕ, прашувајќи колку од парите од овие тендери завршиле во кампањите на Бранко Црвенковски