Северноатланскиот Совет на НАТО денеска во седиштето на Алијансата во Брисел одржа состанок, на кој се разгледуваше Извештајот за напредокот на Македонија во рамките на десеттиот циклус на МАП.

Македонската делегација беше предводена од министрите за надворешни работи и одбрана, Антонио Милошоски и Зоран Коњановски.
           
“На состанокот со кој претседаваше заменик-Генералниот секретар на НАТО, Клаудио Бисоњеро, амбасадорите на земјите членки изразија задоволство од напредокот и постигнатите резултати во реформите на полето на одбраната, но и во останатите сегменти од општествено-политичкото живеење во Македонија.

Како особено позитивен беше оценет нашиот ангажман во мировните операции на НАТО, особено засилувањето на контингентот македонски војници во мисијата ИСАФ во Авганистан, регионалната соработка, успешно спроведените претседателски и локални избори, справувањето со организираниот криминал и корупцијата, процесот на децентрализација и имплементацијата на охридскиот рамковен договор“, соопшти министерството за надворешни работи