|
Македонија со одлични оценки според ПАРП процената од НАТО за своето работење во областа на одбранат за оваа година од НАТО. И со оваа оценка Алијансата уште еднаш јасно и недвосмислено оценува дека Македонија ги има подготвено своите институции за целосна интеграција во НАТО, рече денеска првиот човек на одбрана, министерот Зоран Коњановски. Тој рече дека оваа проценка е уште еден одличен доказ дека земјава ги применува истите стандарди и методологија во одбранбеното планирање исто како и земјите членки на НАТО. “Анализата и проценката за одбраната на Република Македонија од страна на НАТО, позната како ПРП проценка е уште еден јасен доказ, дека Република Македонија посветено работи на интегрирањето во НАТО. Дека членството во НАТО и понатаму останува врвниот приоритет на министерството за одбрана односно Владата“, истакна Коњановски. Резимето од процената ќе биде инкорпорирано во Извештајот на воената алијанса за учеството на Македонија во акциониот план 2008 – 2009 година. Во однос на намалување воениот буџет за оваа година, министерот рече дека буџетот бил намален за 18 проценти, но, има земји во Алијансата во кои тоа намалување се движи од 30 до 40 отсто.
Коњановски најави дека дел од хеликоптерите за две до три недели ќе отидат на ремонт, откако ќе биде склучен договор со фирма овластен сервисер за генерален ремонт на леталата. Инаку, од 2004 година нема одобрено овластен сервисер.
|
