Последниот сомнителен случај на вирусот Х1Н1 е една стара жена од Битола, која две недели престојувала во Германија.

Ден по нејзиното пристигнување во Битола таа е пренесена во здравствениот центар на овој град, а потоа е пренесена во Инфективната клиника во Скопје.

„Клиничката симптоматологија на жената се развила еден ден по пристигнувањето во Македонија.

 Таа во Германија престојувала две недели. Очекуваме во следните неколку часа да ги имаме првичните резултати од тестот во лабораторијата на Републичкиот завод за здравствена заштита (РЗЗЗ). Се прават и потврдни тестови. И кај лицата кај кои е завршена редовна дијагностика повторно вршиме контроли и проверки на се што е направено, истакна д-р Ѕвонко Миленковиќ, директор на Инфективната клиника.

Во врска со двете деца од Прилеп, дојдени од Австралија, затоа дали се заразени од вирусот Х1Н1, директорот Миленковиќ рече дека нивната здравствена состојба е стабилна.
Но, според него, конечните резултати се очекуваат во текот на наредните денови кога ќе бидат донесени од лабораторијата од Лондон. Министерот за здравство Бујар Османи рече дека и покрај зголемување на бројот на нови случаи на заразени од вирусот не може да се наредува ограничувањата при патувања или затварање на граничните премини.

„СЗО не препорачува рестрикции при патувања или затварање на граничните премини бидејќи тоа не е мерка со која може да се спречи проширувањето на вирусот.