СДСМ и ВМРО-ДПМНЕ разменија обвинувања во врска со назначувањето на двајца нови членови во Советот за радиодифузија Борис Арсов и Алма Машовиќ.

Партијата на  Црвенковски смета дека предлог одлуката е незаконска, бидејќи е прекршена процедурата  за нивен избор.

„Во сите извештаи на Европската Комисија во изминативе четири години без исклучок се нотирани негативни забелешки за односот на власта кон медиумите.

Наместо да ги поправи состојбите и да работи на унапредување на независноста на медиумите, денес ВМРО-ДПМНЕ направи груб упад во независно регулаторно тело како што е Советот за радиодифузија.

Очигледно за Груевски и ВМРО-ДПМНЕ не постои ниту закон, ниту процедура, за нив е најважно да инсталира партиски војници во Советот за радиодифузија“ рече Емилијан Станковиќ, пратеник СДСМ

Но, од партијата на Груевски ги отфрлија обвинувања на СДСМ .ВМРО-ДПМНЕ рече дека го разбира гневот на социјаледемократите  бидејќи истекол  мандатот на нивните  кандидати.

“Тоа што секогаш кога Собранието избира членови на одредени тела, а надлежна е Комисијата за прашања на изборите и именувањата, никогаш нема јавен оглас е затоа што тоа воопшто не е предвидено со законот. Во законот е предвидено јавен повик, што е многу различно.

Претседателот Ѓорге Иванов денеска со средба со македонските иселеници во Берн ја започна дводневната официјална посета на Швајцарската Конфедерација во рамките на која утре ќе се сретне со неговата швајцарска колешка Дорис Лојтхард.

На средбата  на која присуствувал и министерот за надворешни работи Антонио Милошоски, Претседателот Иванов ги повика македонските иселеници да вложат во Македонија преку отворање мешовити македонско-швајцарски фирми и им порача дека во нивната татковина се прави се за да се креира поволна бизис клима.
Тој им ги претстави сите реформи што беа спроведени за подобрување на бизнис климата  со кои земјата беше рангирана како трет најголем реформатор во светот од страна на Светска банка и им порача дека вратите на Македонија секогаш се отворени за иселениците кои, како што рече, треба да ги искористат поволностите  што се нудат во слободните економски зони.
- Вие придонесувате за јакнењето на одличните билатерални односи меѓу Македонија и Швајцарија, земја со која немаме отворени прашања и која многу пати досега ни помогнала, рече претседателот Иванов, нагласувајќи дека е  потребно да се зголеми економската сорабтка меѓу двете земји.
Министерот Милошоски истакна дека Македонија и Швајцарија имаат многу добри односи.
-Со Швајцарија, земјата во која има над 60.000 македонски иселеници, не поврзуваат многу блиски односи. Вашето влијание на односите е многу битно. Република Македонија посветено работи на неколку пункта, а еден од нив е зајакнувањето на дијаспората преку овозможувањето да гласа на изборите во матичната држава Македонија, рече Милошоски.
Тој посочи дека секој од македонските иселеници претставува своевиден амбасадор на Македонија во Швајцарија и придонесува за угледот на матичната земја.